قطار العمر من التراب والى التراب!!!!!!!!!!!!!!!!!!!!!!

موضوع فى غايه الخطوره
منين ابدأ من وانت فى بطن امك تبدأ حياتك بلحظه الولاده انت بتعيط وكل الاهل والاحباب بيهنوا بعض على المولود الجديد ويتمنوا اليك حياه جميله وان تنفع الناس حيتنا بتبدأ كده وبعدين نبتدى نكبر من مرحله الى التانيه لحد ما توصل للجامعه وهتوقف هنا شويه
هنا كل واحد مننا يبتدى بقى يتكلم عن مستقبله وكل واحد مننا بيبقى خايف وفى نفس الوقت مبسوط انوا خلاص خلص مذكره وهيبتدى حياه تانيه خالص كل واحد مننا هيبتدى يعتمد على نفسه بقى وهيبقى مسئول وهنا يبتدى هدف جديد لكل واحد ووحده الجواز
يا يكون بدايه لنهايه سعيده يايكون نهايه لكل شىء هتقولوا ازاى يعنى الجواز فى الغالب محطم لكل شىء احلام اهداف لان مجرد ما حصل الجواز بيبقى الانسان عندوا هدف واحد هوا ازاى يبقى سعيد هوا ومراته فى بيتوا وده مش هيحصل غير لو كان ربنا كرمه بوظيفه محترمه بمرتب ثابت كل اول شهر معروف الميعاد يعنى طبعا فهمين
هنا الانسان بيتحول الى اله تجميع الفلوس عشان يردى كل الى بيحبهم وهنا انحرفنا عن هدفنا فى الحياة الا وهوا بسم الله الرحمن الرحيم (وما خلقت الجن والإنس الا ليعبدون) صدق الله العظيم
بقيت ***** الفلوس يبقى الحل متجوزش لا انا مقلتش كده
بس لازم تحسن الاختيار الكلام موجهه للطرفين لان البدايه الصح بتريح اوى بعدين يعنى لو انت وهيا اتجوزتم ابتغاء ارداء الله هتبقوا عملتوا احسن شىء فى الدنيا وبكده هتتحول حياتك من المنظر الاول الى حاجه تانيه خالص الا وهيا السعاده الحقيقيه ارديت الله وارديت نفسك فى نفس الوقت لان يجماعه ببساطه مجرد ما اتخرجت واتجوزت هتبقى منتظر ايه تانى خلاص شىء واحد اللى فاضل نزول القبر والحياه الابديه انا مش بعقدكم والله بس بحاول افكر كل واحد مننا بالحقيقه اللى احنا كلنا غفلنها او بمعنى اصح متغافلنها يجماعه ياريت كل واحد مننا يحاول يفوق نفسه ويصحح نيته فى كل شىء الى الله هوا ده الهدف الأثمى
(غريبه الدنيا دى اوى بتيجى فيها بتعيط واهلك فرحنين وبتروح منها فرحان او زعلان ده على حسب عملك والمرادى اهلك هما اللى بيعيطوا على فراقك بجد غريبه اوى)
يجماعه ياريت كل واحد مننا يصحح النيه فى كل شىء لله عشان منقلش ان قطار العمر قد مضى
ياريت مكنش طولت عليكم ومتشكر جدا لسعة صدركم

» لاتصدقــوا أن الأحلام بلا ثمن فبعض الأحلام ثمنها العمر