قناة الاخبار

موضوع: قناة الاخبار الأحد 10 مايو 2009, 3:39 am

قناة اخبار قهوه المصريين تحييكم

( قناة مهيسه جدا )

ما الذى يحدث فى عالم الغناء فى مصر و الوطن العربى ؟
إيه كل المطربين دول اللى عمالين يغنوا علينا
أنا بتحدى إى انسان لو يقدر يقوللى بالظبط عدد المطربين
اللى ظهروا على الساحة الغنائية فى السنوات الستة الأخيرة
خير اللهم اجعله خير
كنت وانا قاعد بتكلم مع نفسى فى ذات يوم
_ حلوه ذات يوم دى _
و ال ايه تخيلت ان احنا بقينا فى سنة 2020
وأن معايا جريدة فنية بتاريخ 12- 12-2020
و قعدت اتخيل معاكوا
ايه الأخبار اللى ممكن تكون مكتوبه فيها
مش عارف النتيجة اللى طلعت بيها دى
حلم ولا هلوسه ولا تخارييف
و لا أنا تنبات بالمستقبل المظلم اللى منتظر الأغنيه
و الآن نترككم مع أخبار غنائية لن تقرأوها الا مع قناة جموريه مسخره

1 )
مفاجأة العام الكبرى ... دويتو غنائى بين هانى شاكر و ميريام
فارس فى أغنية اسمها (حبيبة بابا )

( 2 )

أعلى مبيعات حتى الآن 27 مليون نسخه شريط للمطربه
الصاعده بسرعة الصاروخ... وهيا فعلا صاروخ أرض
جو .... المطربة نونيا صاحبة شريط "مستنياك فى الشقة "
ويقول مطلع هذه الأغنية
مستنياك فى الشقة ياعمرى اوعى تتأخر عليا
مفيش حد انا قاعده لوحدى تعالى بقى نتسلى شويا
ونأسف لعدم استطاعتنا نشر باقى كلمات الأغنية حياءا و
استحياءا من القارئ الكريم

( 3 )

أنجح كليب هذا العام للمطربة تيتى عن أغنيتها ( يا نهار أسود
جوزى رجع ) وجائزة خاصة لفكرة الكليب المبتكرة و التى
تدور أغلب أحداثها فى غرفة النوم

( 4 )
اعتزال عمرو دياب وهجرته الى أمريكا و اعتزال محمد منير و
هجرته الى ألمانيا و اعتزال هشام عباس و هجرته الى الهند أما
عامر منيب فقرر الهجرة الى الكاميرون

( 5 )

أصاله تصاب بانهيار عصبى لأن شريطها الأخير لم يبع سوى
3 نسخ _ وكان فيهم اتنين مضروبين

( 6 )

تامر حسنى و حماقى و عدويه ولؤى و هيثم شاكر يؤكدون أن
الموجة الجديدة لن تستمر و أن الفن الأصيل سيبقى وأنهم
سينتجون لأنفسهم بعد تخلى شركات الانتاج عنهم

( 7 )

جائزة مليون جنيه من شركة تراث الفن للمواطن المصرى
الوحيد الذى ما زال يحتفظ بشريط كاسيت أصلى لايهاب
توفيق

( 8 )
شيرين و آمال ماهر و أنغام و فضل شاكر و نوال الزغبى
ومحمد محى وجنات يصابون بحالة اكتئاب حاد ويفكرون جديا
فى الاعتزال

( 9 )

الدولة تمنح شهادات تقدير لكل من روبى و هيفاء وهبى و نجلا
و بوسى سمير و مروى و ماريا لاصرارهم على مواصلة تقديم
فن راقى بعيدا عن السوقية و العرى و الابتذال

( 10 )
مصطفى قمر يتفرغ للتمثيل ويستعد لبطولة فيلم كارتون
بعنوان " هارى بوتر فى مرسى مطروح "

( 11 )

الاعلان عن رحلة الى متحف الفن الفرعونى لمشاهدة البقية
المتبقية من بقايا أعمال أجيال الرواد القدامى جدا من أمثال
على الحجار و محمد الحلو و كاظم الساهر و مدحت صالح و
ماجدة الرومى و لطيفة و سميرة سعيد

( 12 )

سعد الصغير فى تصريح خطير جدا << لن أرد على ريكو
واترك الجمهور يحكم بيننا>> وكان ريكو قد صرح بأنه الأحق
بلقب نجم الأغنية العربية

( 13 )

جاد شويرى من بعد عودته من إسرائيل يؤكد أن حفله الأخير
فى تل أبيب كان من أنجح حفلاته و أنه بصدد إصدار ألبوما
باللغة العبرية

( 14 )

مصطفى كامل يؤكد انتهائه من التحضير لألبومه الجديد الذى
سيصدر بعد أسبوعين بعنوان _ يوم القيامة _

( 15 )

القبض على مواطن مختل عقليا وهو فى حالة ذهول شديد
وبكاء مستمر ولا يوجد على لسانه سوى جملة << والله كان
فى مطرب اسمه عبد الحليم ومطربة اسمها أم كلثوم ..فينك يا
عندليب ...فينك يا كوكب الشرق >> يا عينى الراجل
بيخرف ... ولقد تم ايداعه مستشفى الأمراض النفسية المتطورة
و التى توجد فى شارع نانسى عجرم فى ميدان اليسا
و يعكف مجموعه من الاطباء و المؤرخين فى البحث عن هذا
العندليب .... ياترى دول يبقوا مين ؟؟؟؟!!!!!

طبعا عايزين تعرفوا انا عملت ايه بعد الكلام الجميل ده
اول حاجه عملتها روحت لميت كل شرايط عمرو دياب و
محمد منير و أصالة و سميرة سعيد و شيرين و وخبيتهم تحت السرير
[ماهو محدش ضامن ايه اللى ممكن يحصل بكره !!!!!!!!
تفتكروا يا جماعه الحاجات دى ممكن تحصل بجد ؟؟؟
ولو حصلت هيكون مين السبب ؟؟؟!!!!!!!!!!

تحياتى

» اخر الاخبار الرياضية 20 /4
» اخر الاخبار الرياضية10/5
» اخر الاخبار العالمية
» اخر الاخبار وكلام الناس
» احدث الاخبار الرياضية